Barbara Janom Steiner > Home > Home [RO]

Cordial bainvegni

Herzlich willkommen [DE]
Benvenuti! [IT]

Noss chantun Grischun - a l'ur da la Svizra, ma en il cor da l'Europa - è per la populaziun residenta dal Grischun sco er per noss giasts ina regiun appreziada ed attractiva per viver, per lavurar e per far vacanzas.

La diversitad da la cuntrada, da la cultura, da l'economia e da la politica furma la basa per ina auta qualitad da viver ch'i vala la paina da mantegnair. Cun in'economia cumpetitiva ed ecologicamain cumpatibla sa laschan segirar las ovras socialas e garantir il bainstar. Las cundiziuns generalas per l'economia ston pervia da quai vegnir meglieradas permanentamain. Il departament da finanzas e vischnancas che vegn manà da 1. mars 2012 contribuescha essenzialmain a questa meglieraziun.

Per mai sco commembra da la regenza èsi impurtant da far ina politica orientada a soluziuns che metta l'uman en il center. Ils giavischs ed ils basegns da nossa populaziun stuain nus prender serius, e nus als stuain integrar en l'elavuraziun da propostas materialas persvadentas.

Il dialog e la collavuraziun cun tut las pesunas participadas schlargian l'orizont e pussibiliteschan in barat prezius d'experientschas e d'enconuschientschas che po gidar essenzialmain ad elavurar soluziuns solidas. Paginas d'internet èn ina buna plattafurma per quest dialog. Vossa opiniun m'interessa ed en cas da dumondas stun jau gugent a Vossa disposiziun.

Grazia fitg per Voss interess.

Barbara Janom Steiner
Scheffa dal departament da finanzas e vischnancas